Onda Coolwaves效果問題，點解減肥效果會因人而異？
每次有新機新技術嚟到香港，相信大家最有興趣了解『效果』！ 但係一定要首先講清楚，微波溶脂效果其實係因人而異，亦都好取決於進行療程之前，之間，同埋之後嘅處理方式。幫你做微波溶脂嘅機構本身係乜嘢質素，亦都會影響最終效果。
對某部分人嚟講微波溶脂可能有效果，但係唔係保證對你嚟講都一樣有相同良好嘅效果！要發揮微波溶脂真正功效其實係需要正確使用科技。即使除咗美容院之外，你自己呢邊亦都需要去作出相應嘅配合行動。
對於Onda Coolwaves效果第一個要了解嘅知識，就係效果會因人而不同！
選擇做機減肥其中一個原因，就係希望可以加快自己嘅纖體進度，利用高能量機器去作出重點改善身體線條嘅作用。但係有一點非常重要，一定要首先留意！就係：微波溶脂技術，其實唔能夠保證你減到！
近期多咗好多自稱低價錢嘅Onda Coolwaves，呢類型冇乜規模，冇乜監管嘅小型美容院，做機減肥無效果就預計咗。（最近甚至有人連全英文嘅說明書都唔識睇，就梗係冇效果）。不過即使係比較正規嘅醫學美容診所都好，佢哋都冇辦法可以完全保證做完微波溶脂之後會有乜嘢效果。
冇辦法可以保證Onda Coolwaves效果，係所有正在考慮呢個療程嘅朋友一定要首先接受嘅事實。因為最終嘅做機減肥效果，唔係完全因為美容院本身嘅因素，你自己進行療程之前，進行療程期間，同完成療程之後有冇去作出適當嘅配合措施，其實絕對影響最終效果。所以Onda Coolwaves效果責任本身，唔係淨係喺美容院身上。參加者自己其實都有相當大嘅控制亦都有責任。
你可能都見過好多大中小型，唔同質素唔同檔次嘅美容院會賣廣告，當中可能畀你睇好多有關Onda Coolwaves之前同埋之後嘅效果圖。老實講當中係有真有假，有部分係P圖，亦都有部分係真正嘅效果圖。但係無論點樣都好，Onda Coolwaves效果人哋有，唔代表你都有。正如人哋有錢唔代表你有一樣。
純粹參考網上討論區或者部分小型美容院一啲難分真假嘅圖片，就即刻決定畀錢參加Onda Coolwaves療程，其實係有欠嚴謹。尤其係部分欠缺質素嘅美容院誇張銷售手法，好容易會導致消費者對於呢個技術有錯誤嘅理解，同埋無限遐想。 畀咗錢之後先發覺原來效果完全唔係嗰回事！ 呢啲就好容易演變成為消費者同埋美容院之間嘅爭拗同埋投訴。
咁如果大家唔去睇一啲網上嘅前後圖，咁點樣去判斷onda coolwaves有乜嘢效果呢？如果唔係純粹睇網上嘅廣告，又有乜嘢比較具備可信性與及嚴謹程度嘅相關報告可以用嚟參考呢？
其實研究onda coolwaves效果之前，其實首先要做嘅就係先行了解微波溶脂嘅原理。
解構微波溶脂機原理
你見到好多美容院嘅ig廣告或者係facebook廣告都會講到好多有關微波溶脂技術嘅好處，包括佢可以點樣（自稱）超越一啲傳統現有嘅技術等等。但係以上嘅論點並不完全正確，好多其實係純粹marketing! 無論係論點，論據，定係舉證方面，其實都唔係真係好全面。
要去正確使用微波溶脂科技，就要去先行了解原理。
微波溶脂技術點解可以做到纖體效果？其實佢主要係利用一種特定嘅電波技術。電波或者射頻其實係包括好多不同電磁頻譜波長（wavelengths）。而某一個特定嘅波長300 MHz and 300 GHz可以稱為微波頻譜。現時香港使用嘅微波溶脂技術就大部分都係屬於呢個波長範圍，常見嘅微波溶脂機器包括Onda Coolwaves與及Young In，都係使用2.45GHZ。
香港好多有關微波溶脂機器嘅廣告，好多都唔能夠清楚解釋究竟微波技術，同其他射頻技術有乜嘢分別。大部分嘅美容院其實都係人云亦云冇乜科學知識只係不停去重複『 微波溶脂』可以超越傳統『射頻溶脂』效果。但係當中嘅物理機制， 與及科學根據，甚至係實際操作等等嘅問題，好多都係輕描淡寫，並冇提供乜嘢真係實質嘅證據支持。好多都係流於表面，都幾低質素嘅宣傳手法。
而家就為大家清楚解釋一次，究竟微波溶脂同埋射頻溶脂嘅關係。首先要直接講清楚畀大家知兩者其實都係屬於電磁頻譜嘅一部分。
微波頻譜：300 MHz － 300 GHz
射頻頻譜：3 kHz － 300 MHz
兩種其實都係屬於電磁頻譜波長。 好似有部分科學網站就清楚咁樣解釋得到， 微波其實係射頻範圍嘅一個subset！ (Microwave is just a subset of the RF range 詳情可以參考: Difference Between RF and Microwave | Difference Between )
即係好似有啲人問大灣區同香港嘅關係，香港其實已經係大灣區其中一個城市。 好似微波就係射頻嘅一種。所以任何美容院如果嘗試去全盤否定射頻溶脂嘅效果， 喺邏輯上已經係否定微波溶脂效果。
如果要直接比較微波溶脂技術同埋射頻溶脂技術，如果比較客觀去睇，係應該講述兩個技術各自優點。兩種技術本身並唔存在其中一種比另外一種有絕對性嘅優勢。兩者其實係各有優點亦都各有限制缺點。
相比起市場上比較多見到嘅射頻溶脂技術，微波溶脂（Onda Coolwaves）技術嘅主要宣傳重點係可以做到將熱能進入身體裏面比較深入嘅位置。但係佢並唔係唯一可以將能量發射入脂肪底層嘅技術。其實一啲隔空溶脂技術，一早已經可以將高能量發射入脂肪底層。將能量發射入脂肪底層呢個技術，其實都好多年，絕對唔係呢一兩年先有嘅新發明。
微波溶脂機能夠深入脂肪底層，係一個優點。但係其實好多非接觸式嘅隔空溶脂射頻機（BTL Vanquish ME, Lutronic EnCurve, Mediram等等推出好多年嘅技術）一早已經做到。
另外如果要用接觸式嘅減肥儀器要去比較嘅話，微波溶脂所提供嘅優勢亦都唔係絕對性。因為好多人減肥期間係會發現自己嘅身材會愈來愈鬆， 你可能都試過減咗肥但係都仲有層皮響度，唔係好緊緻。
由於微波技術主要係針對脂肪底層，表皮嘅能量吸收其實唔係好足夠。亦都唔能夠做到傳統嘅射頻減肥機可以喺接近表皮嘅深度加快膠原蛋白生長，或者刺激表皮層膠原蛋白重組等等。呢方面係微波機嘅限制。
微波溶脂VS射頻溶脂，兩者本身其實唔存在絕對性嘅優勢。應該係話，佢哋兩種技術各有優勢。 究竟係適合做邊種，需要視乎你實際嘅脂肪分佈情況。呢個亦都係點解建議你去搵一啲具備相當成功經驗嘅，有知識，有規模嘅美容中心做機減肥。以免去一啲價錢太平嘅地方其實只會亂咁畀建議你，欠缺真正科學參考價值之餘，仲有誤導同埋不良銷售成份。千祈唔好諗住貪價錢低，好多所謂嘅低價錢做機減肥，尤其係需要技術嘅微波溶脂／ Onda Coolwaves，多數都出問題。香港九龍新界咁大，點都有啲有質素嘅公司。千祈唔好諗住靠平貪近就走去做低水平嘅公司。
Onda微波溶脂價錢，咁平係咪真係做得過？ 知道真相之後你仲會做嗎？
可能你都見過香港好多平價做機減肥，或者係Onda Coolwaves嘅網上廣告。 如果你唔知道微波溶脂價錢嘅真相，就好容易會畀佢吸引咗但係當你知道點解某啲微波溶脂背後嘅真相，相信你自己都唔會咁輕率去周圍試做。
Onda微波溶脂價錢現時可以做到好平，有部分美容院甚至係可以做到一個月$500任做！另外一啲仲誇張，話每次八個部位只需要$780，除番開每一個部位嘅價錢係$90左右。 價錢真係平到令人難以相信！
除咗傳統嗰種不停hard sell要你加錢嘅技倆之外，好多時候點解呢啲公司可以咁平? 其實背後有好多取巧嘅位置。真係精明嘅消費者就要小心留神，唔好再畀呢啲低價錢嘅微波溶脂廣告吸引自己走上去畀人呃。
香港有部分不良經營嘅海味舖會由斤變兩，即係話個價錢可能寫到好低，但係其實佢冇話到俾你知，量度嘅單位係『一兩』，並唔係『一斤』。 呢類型黑店海味公司，就會喺你查詢價錢極平嘅參茸海味產品之後，用光速幫你磨粉或者切片，令到你冇時間發現。當你以為自己買咗平貨，先發覺原來你要用貴市價幾倍嘅價錢找數！美容黑店係一模一樣，可能會自稱一個好平嘅價錢做微波溶脂。但原來每個部位做嘅時間只係3分鐘。你冇睇錯係3分鐘！你食個早餐都唔夠時間。
標榜低價錢嘅低質素美容院，瘋狂Hard sell，搵一大堆人想你強迫你消費，甚至夾硬搶你張信用卡，呢啲都係預計之內。始終好多人都係會貪圖低價最後又中招！呢啲就係好似嗰啲電騙案件咁樣無限重複。咁價錢平嘅隔空溶脂有咩問題，預計唔到嘅係乜嘢呢？就係佢所謂嘅一次一個部位，原來只係講緊3分鐘。 而且一次會幫你做好多個部位，求其亂掃幾下，話畀你聽做完。
坊間一啲價錢好平嘅微波溶脂究竟係點樣去取巧，欺騙消費者？ 咁就要講解下微波溶脂收費嘅方式。因為正統嘅Onda Coolwaves收費方式其實係按照一個特定嘅大小範圍去收費。相同位置理論上係需要做最少20分鐘。不過有部分美容院就為咗宣傳，標榜低價錢可以做好多個小範圍，例如一千蚊可以做8個範圍等等，但其實每個範圍就只係做3分鐘！求其幫你掃2下就已經做完！身體8個部位係可以用廿分鐘已經全部話畀你知做完，你話驚唔驚？
所有標榜價錢極平，又或者一個價錢可以做好多位，又或者係所謂嘅『任做』療程。背後都有好多唔同嘅古惑嘢。都係嗰句，一分錢一分貨，保護自己，便宜莫貪！
咁大概乜嘢先至叫做畀個合理嘅微波溶脂價錢？ 如果喺香港選擇做Onda Coolwaves，大概需要幾多錢預算？
香港Onda Coolwaves微波溶脂價錢（有相當質素規模美容院）: $20,000 - $40,000
香港Onda Coolwaves微波溶脂價錢（醫學美容診所）: $40,000 - $60,000
以上嘅數字價錢其實係來自香港市面上幾間大型嘅醫學美容診所真實價錢報價。從以上資料睇到onda coolwaves價錢其實唔係太平。因為Onda Coolwaves療程技術使用機器嘅成本係相當高。如果並冇相當嘅預算，呢個機器未必係最適合你。
Onda微波溶脂副作用，安全又想有效果？
Onda Coolwaves香港好多廣告，不過唔係每個人都適合做呢個療程。有部分如果自己身體有特定長期病患者，或者做過某幾類型手術嘅人，其實就唔係好適合做Onda Coolwaves。 如果睇嚟係有一啲金屬植入物，又或者係有血科或者其他長期病嘅話，係唔適合進行Onda Coolwaves。任何有長期疾病嘅人如果要考慮做機減肥多數就會建議你去做一啲並非高能量形式嘅減肥機，例如傳統嘅Endermologie。
能量越高嘅減肥機，潛在風險就越大。 呢一點所有參加者都需要首先自己考慮風險。分散投資可能係其中一個比較科學化而且肯定有用嘅方法。我哋會建議你去選擇一啲包含微波溶脂在內嘅多機器／多功能療程，咁樣你就可以體驗到微波溶脂嘅好處，但係同時亦都可以做到其他先進機器嘅優點，亦都可以分散過份集中微波溶脂嘅風險。
香港唔算太多呢一類型『多機器+多功能』減肥纖體療程，有一間比較值得留意，就係SWISS REJU熱光溶脂。而家有提供微波溶脂機服務，再配合其他類型嘅減肥機器。既可以獲得微波溶脂嘅好處，亦都可以分散風險，仲可以做埋其他類型嘅減肥機器，適合一啲注重安全又想有效果嘅人。