可能大家都見過好多明星嘅美容纖體代言人廣告！無論係最一線嘅明星好似鍾欣桐，蔡卓妍，或者天后鄭秀文，甚至連詩雅，林明禎等等，好多靚女明星都拍過醫學美容同埋纖體廣告。唔使講大家都知道呢啲大企業上市公司療程價錢一定係比較貴，始終個廣告明星代言開支都大。作為小資女嘅你，究竟應該點樣部署先至可以把握到做機減肥呢個服務，又唔會畀人sell到破產？小本投資情況之下，有冇辦法可以做到有質素嘅減肥纖體療程？如果一萬蚊甚至幾千蚊預算之下有冇辦法做到有質素嘅減肥機？
小資女做機減肥慳錢攻略
唔少女仔都見過美容纖體公司廣告，真係拍得幾吸引！可能你自己都曾經有一個moment係心動，！不過夢想雖然吸引，都要了解清楚究竟自己係咪有足夠嘅財政能力購買做機減肥療程。尤其係市面上有咁多所謂嘅hard sell美容黑店，各種嘅不明朗因素都係令你猶豫不決。
首先要同你講聲，香港小資女做機減肥其實係可以嘅，亦都有方法唔需要付出好大量嘅金錢，都可以做到不錯嘅美容纖體效果！不過當中其實係有一定嘅技巧，必需要首先學習，你自己亦都要配合療程去作出相應嘅行動。
香港做機減肥一定好貴？錯。即係你未搵啱適合您消費能力嘅地方
可能大家都有朋友分享過或者見到啲網上討論區講有關做機減肥嘅可怕經歷。香港不少美容黑店銷售手法就真係令到大家感到有啲驚！當然除咗某部分不良經營嘅美容黑店銷售手法有問題之外，另外一點令到好多消費者感到困擾嘅，就係對於做機減肥／減肥溶脂療程價錢嘅不確定性。
市場上對於美容院減肥機或者做機減肥服務嘅投訴，好多係嚟自價錢收費方面。由於收費嘅形式唔清晰，好容易會出現消費者去錯地方／超越本身預算嘅問題。有部分唔係傳統嘅美容黑店，例如某些私家醫院嘅美容診所，由於佢自己嘅收費係遠遠超過一般市民可以承擔嘅水平，好多市民咗去先發現價錢遠遠超越自己嘅負擔能力。
其實而家香港做機減肥選擇都比較多。無論係上中下層面嘅顧客，都有辦法可以搵到適合自己預算嘅療程。
講起慳錢，又或者唔想畀太多錢去做機減肥，好多人就會聽信一啲網上嘅廣告，亂咁走去參加所謂嘅『單次收費美容中心』又或者一啲『唔知道邊度爆出嚟嘅小店』。以為降低自己水平就慳到錢。 真係大錯特錯大家要小心，避免再犯呢個錯誤！
低價做機減肥犧牲質素
呢啲所謂低價錢嘅做機減肥療程，唔係話唔得。不過你要有心理準備需要犧牲質素。唔單止係環境唔夠好，或者服務唔夠好，講緊嘅質素係做機減肥安全性同埋效果欠佳。即係話，你有機會花咗錢之後得唔到任何減肥纖體效果，做咗五六次之後完即係冇分別。甚至有不良嘅做機減肥後遺症，副作用安全問題影響你長遠健康。
就好似如果想慳錢買樓上車嘅話，最好嘅方法就梗係同業主講價，按揭方面都係搵到間最平去做，咁就慳到利息。甚至比較樓盤嘅時候，睇多兩間升值潛力高嘅。慳錢就梗係呢啲方法做！唔係去食快餐店或者街市兩餸飯，甚至極端啲唔洗錢去food court食人哋食淨嘅二手飯！
去食人哋食淨嘅二手飯聽起來都覺得嘔心！雖然呢啲咁極端嘅方法真係可以慳到盡，但係未必會唔會為你帶來長遠嘅好處，亦都有其他類型嘅風險，衛生以及質素等等嘅問題。
低價錢做機減肥，性質都係一模一樣。都係通過極低嘅價錢去換取一啲比較下欄嘅服務。犧牲健康，犧牲質素。
好多人話做機減肥如果想慳錢就要去單次收費美容中心，或者去一啲冇乜質素嘅4－5線小店去進行。其實就等於叫你去食二手飯一樣。呢啲根本唔係真正解決問題嘅好方法。如果要嚟犧牲好多嘢先慳嗰少少錢就話，其實唔係一個真正嘅方案。
想喺有限預算之內完成做機減肥，甚至希望可以用到市場上比較新穎比較具備質素，同埋安全性比較好嘅減肥機？係有一定嘅技巧。唔好再聽人哋講點樣食兩餸飯可以上到車，去少啲日本旅行就上到車呢啲係極之戇居嘅建議。 而家教你嘅方法，會幫你慳到錢，慳到時間，同埋令到你可以喺有限嘅預算之內，做到最佳嘅減肥纖體效果。
小本做機減肥方法
如果你問我點樣先可以慳錢慳到盡同埋用最少嘅錢可以獲得最好嘅減肥效果有一啲竅門係可以幫得到你第一，先了解邊類型嘅機器會幫到你。
第二，小心控制飲食攝入類型同埋卡路里攝入量。通過小心控制飲食去配合加強你做機減肥效果
小本做機減肥方法1：了解計劃邊類型減肥機最適合
如果你自己手頭上嘅預算唔多，但係都想去做機減肥嘅話，選擇『正確類型嘅機器』其實係幫到你好多。如果你自己係屬於大把錢，又或者本身有老公資助，或者有商業贊助可以隨便做機減肥嘅話，的確係有好多唔同類型嘅選擇畀到你。就算做咗幾次覺得唔啱，又可以即刻買其他療程，轉其他機去用！但係如果你自己本身係比較緊張個預算嘅話，就要先搞清楚自己係邊一類型機器最適合。有番咁上下把握先至購買會容易成功好多。
網上都有好多唔同嘅教學，話到畀你知邊類型機器適合邊類型嘅人。好簡單咁樣去概括一下：
- 全身肥胖，體脂率偏高 >>> 直接選擇熱能類型機器+食療 （e.g. SWISS REJU熱光溶脂）
- 體脂率偏低，肌肉量不足 >>> 增肌減脂類型機器（e.g. geneslim，Emsculpt Neo，E-Magstorm, Salus Talent）
- 只想微雕一個部位 >>> 冷凍溶脂（有PAH脂肪反向生長風險，自行考慮是否願意冒險）
先選擇好適合類型機器其實就係成功嘅一半！當你自己預算唔多嘅時候，最緊要就係要對症下藥， 集中資源同火力處理好你最核心嘅問題！
小本做機減肥方法2：小心控制飲食攝入類型同埋卡路里攝入量
小資女做機減肥都可以成功， 成功祕訣在於飲食方面都作出控制同調整。相比起其他有大把錢去美容院做呢樣做嗰樣嘅貴婦，如果你自己係屬於小資女，要量入為出嘅話就最好連飲食方面都作出調整。因為大部分嘅美容中心都唔會特別教你點樣飲食。呢個亦都唔係美容院嘅主體責任。但係如果通過適量嘅飲食控制同埋調節，你需要做嘅療程次數係唔需要咁多，咁樣就可以幫你慳到錢。
係咪代表要捱餓或要食好少嘢？以前可能係，但而家科技已經發展到好先進。好多減肥纖體療程已經有包含飲食輔助嘅元素。而家好多出名嘅減肥纖體療程，例如『SWISS REJU熱光溶脂』都已經包含咗減肥補充品（酵素+纖維+減肥代餐）幫到你加快見到效果！變相你就唔需要畀咁多錢喺療程上面。免費包含以上嘅幫助，你就唔使樣樣嘢都覺得要計住，或者好辛苦！輕輕鬆鬆都一樣減到，仲可以做埋有用嘅國際級靚機器，甚至可以明星一樣享用最高級別嘅療程。
小資女做機減肥，預算應該預幾多？
好似頭先所講做機減肥，其實係有分唔同質素嘅公司，同埋有不同嘅輔助產品。所謂嘅單次收費美容中心做減肥機，又或者係一啲好cheap嘅小店，其實最終嘅結果只係叫你將貨就價，降低要求，亦都降低療程效果。所以真係想慳錢，唔係一味走去追求單次，而係要追求『明碼實價』同埋『高品質』，咁樣先至係精明。
久唔久就會有人問機減肥最平係點樣買？ 最低嘅預算係應該預幾多錢？今日就會為大家講解一下平價做機減肥療程嘅最低預算，同埋作為小資女嘅你，應該點樣去budget。
市面上嘅收費模式或者經過折扣之後嘅實際價錢，唔同美容院都有不同嘅報價。 如果比較高層次，你要預大概$10,000以上係最低做機減肥價錢。
做機減肥千祈唔好相信一啲所謂平價trial優惠，『免費試做』。香港有各種嘅低價優惠試做，又或者買格仔plan等等，但嗰啲其實好多都係宣傳，你上到去之後一樣都會不停去hard sell。尤其係美容黑店想簽到嘅金額一定係多過$10,000，通常係講緊$50,000以上。 一間大型嘅明星代言冷凍溶脂連鎖店，consultant每個客最少要做到$45,000以上，先至叫做合格。專門店係標榜『免費試做』，理論上係一蚊都唔使畀，但係上過佢嘅人都知道，最少都要跌$40,000-$60,000先叫做出到門口。如果你自己本身係屬於小資女，需要睇住條數嘅話，連鎖店同埋上市公司肯定會令你超出預算。
相而你應該搵一啲正當經營嘅公司例如SWISS REJU等等。正當經營公司通常唔會比你免費試做，亦都唔會有所謂嘅極低價錢做十次等等。但係佢哋可以畀你買少量療程，唔會話一開口就要你買十萬。