Best Practice的重要性
如何去選擇適合自己嘅公司同埋療程，責任其實係消費者身上。因為只有你自己先最清楚自己個人需要，身體情況，經濟能力，願意投資幾多錢喺美容纖體健身方面等等。 某啲公司收費可能比較貴，但係如果質量ok同埋使用正版機器，其實都唔可以叫做黑店，只可以話係收費比較貴嘅premium brand。亦都有啲公司療程價錢極平，但係將貨就價，使用機器同埋產品都係次等，甚至翻版貨，價錢雖然平，但係又危險又無長遠效果，雖然價錢平但係其實都屬於美容黑店。參加任何美容纖體療程之前，消費者其實應該問自己以下三個問題：
- 對於美容纖體行業銷售手法有幾熟悉？
- 手上有幾多預算，準備投資美容纖體療程？
- 想幾快見到效果 ？
大部分香港人消費者其實對於最新嘅美容纖體銷售手法，其實都唔係太認識。可能個心有所避忌，但係亦都講唔出究竟點樣去分辨質素高低、係咪黑店等等。有時候行業資訊唔流通亦都會造成好多錯配嘅情況。
以下就係一啲常見嘅案例：
個案一
網友A喺網上見到明星廣告話1000蚊可以做十次，因此就去某個大型連鎖店試下現時最流行嘅纖體減肥療程。不過上到去之後顧問先同佢講，你嘅身型並唔適合做一千蚊十次嘅療程，你需要做價值8萬蚊嘅其他減肥機！即係實際價錢比廣告宣傳價錢，貴咗80倍！網民表示大失預算，但係既然都去咗現場又想減肥，就唯有照俾錢試下。但係做咗幾次減肥機之後，都唔覺得有乜嘢分別同效果，再上網睇下，原來嗰間上市公司係好多網友都批評嘅大型美容黑店，懷疑自己中伏！
個案二
網友B喺自己經常去嘅小型尖沙咀醫學美容診所見到，該公司入咗最新一代「增肌減脂」科技。診所職員同埋顧問都話可以平價試一試，作為舊客戶亦都有試做價優惠，因此就買咗10次。但係發覺雖然真係有收緊腹肌效果，但係電磁波增肌減脂儀器對於平時缺少運動嘅女性嚟講能量太大，佢做嘅時候非常之辛苦，每次做到中段都頂唔順會慘叫！肌肉收縮得太緊要，次次都做到面青口唇白，甚至反白眼，老公都問佢下晝出去做過乜嘢！佢都唔知究竟係因為肌肉收縮得太勁，定係自己太緊張造成不良神經系統反應，第二個月開始出現嚴重便秘。做咗五六次增肌減脂機已經覺得犧牲太大，雖然身材有少少改善，但係因為太痛都要中途放棄！放棄療程，浪費咗超過一萬蚊。
自己去錯一啲極為 hard sell嘅公司，又或者事前準備不足買錯療程， 其實顧客自己都有責任。要避開市面上消費問題陷阱，其實應該爭取主動權，每樣嘢都問清問楚，了解清楚先決定參加，主動避開陷阱 ！
美容纖體Best Practice 1：了解美容纖體行業銷售手法
好多美容纖體公司銷售手法其實都幾有爭議性。尤其係一啲大型嘅年所上市企業，由於銷售文化非常之進取，每一層經理，每一層顧問，都有好大quota要孭上身。 尤其係一啲上市公司集團每個季度都要交數嘅時候，你就可以想像銷售手法會有幾進取！ 當然大型集團都有佢嘅好處，例如環境通常會比較靚，地方比較闊落，有天王天后明星代言人，選擇嘅美容纖體機器亦都比較多等等。但係你自己都要考慮清楚，究竟超級大集團經營手法係唔係適合自己，會唔會覺得享受，自己係咪頂得順hard sell同埋講價文化。亦都有部分消費者係鍾意討價還價、傾優惠、不停去試做最新美容科技。某些情況之下大公司係可以畀到呢種熱鬧購物體驗。如果你手頭鬆動大把錢，已經進入半退休「財務自由」狀態，或者有好多被動收入，每個月起碼有十幾萬以上嘅話，大集團雖然價錢貴同埋 hard sell，但係對於肯每個月課金嘅vip顧客嚟講，其實都會畀到服務你。見你每個月洗十萬八萬一定好多顧問therapist交足戲，出嚟奉承你。
美容纖體健身行業銷售手法正當與否，其實同規模冇直接關係。有部分唔算好大機構嘅小型美容中心，由於老闆同埋管理層本身營商手法甚至學歷等等其實都麻麻地，好容易為咗短期利益就變成黑店。雖然規模不大，但係都會好似大集團咁樣不停叫你買嘢、加購項目等等。
油尖旺區一定數量嘅美容院雖然規模不大，但係都有經營手法上問題。如果你自己唔想成日面對因為唔想不停俾錢需要處理美容師黑面，又或者難以預約呢啲典型嘅黑店經營問題，其實就最好搵正規機構進行做機減肥等等較為高端嘅項目。唔好諗住小店一定有良心，好多小店其實都冇乜良心。
經濟欠佳，有部分美容中心就會用各種手法包括美人計，美男計，煲湯（真係嗰個電飯煲出嚟煲湯，冧單身客人），搵MK仔古惑仔扮暖男，日日whatsapp關心你等等。黑金老闆甚至會畀錢叫埋一班「MK暖男」煮埋飯，煮埋糖水畀你食，務求你春心蕩漾，攻陷芳心，自願畀錢消費！
有部分舊式美容黑店，甚至會先斬後奏，叫你試做之前擺低信用卡，你一做完佢已經即刻幫你碌卡碌咗五－六萬。 有部分黑店甚至模仿電騙手法，亂咁whatsapp人，話我係你阿姨介紹個優惠價你去做facial。雖然好荒謬，但係大數法則，100－200隻都有1隻中，因此都仲有人做呢啲咁樣嘅手法。
如果需要量入為出，而且希望成個減肥纖體嘅過程順利，唔需要中途俾人不停sell，最好都係搵中型，正規，有規模但並非上市類型嘅公司。SWISS REJU呢一類嘅中環正規機構，其實係比較適合大部分市民，使用正版機器，但係亦都唔會好似上市公司咁chur。而且正規公司賣點係專業知識同埋正版FDA科技，位於中環核心位置，療程會睇inbody身體分析報告數據，精準而且科學化。絕對唔會好似某啲美容黑店咁樣，煲飯、煲湯、煲糖水。
美容纖體Best Practice 2：了解手上有幾多預算，準備投資美容纖體療程
究竟買美容纖體療程需要幾多錢？ 大中小規模嘅機構當中嘅分別就係點樣？ 應該臨場再畀錢加購嗎？其實避免消費爭議最好嘅方法，就係先行了解大概你手上有幾多預算，了解埋市場收費，同埋自己諗住投資幾多錢。唔好純粹聽到價錢唔平，就一面倒覺得一定係對方有問題、一定係黑店。先行了解市場收費，其實可以預先避免好多爭拗。
你首先要搞清楚一個概念，就係「價錢貴唔代表係黑店，價錢平亦都唔代表唔係黑店」。
香港大部分爭議程度好高嘅公司，即係傳統嘅美容黑店，好多都係用「低價錢」、「免費試做」作為引誘招來。反而正經嘅醫生美容診所或者專業顧問公司，通常報價都會比較貼近真實市場價錢。唔會先用一個極低甚至不合理嘅價錢，引誘你去到現場，先至臨場加價。
通常具備質素嘅公司收費會比較透明，講到畀你知究竟包乜嘢，包幾多次，同埋如果唔適合嘅時候可以轉做乜嘢機器相反一啲所謂嘅美容黑店其實就好多嘢都非常之朦糊，亦都冇清楚界定。一切都係話扣格仔，甚至應承你嘅贈品同埋療程內容，都係純粹口講，連收據都唔會畀你。
消費者要明白正規公司通常會因應你個人預算去建議適合您消費能力嘅機器同療程。專業嘅公司通常就會喺你嘅預算範圍入面，畀幾個不同嘅選擇你，令到你可以考慮各種適合自己，亦都係屬於能力範圍之內嘅美容選項。 黑店開單之前就會話乜都包，但其實最尾係乜都唔包。
市場上不同嘅科技收費都唔同。有部分較為新一啲嘅做機減肥科技，由於獲得FDA／KFDA／CE等等權威認證，自然收費會較貴。尤其係正版減肥機器，講緊幾十萬一部，係冇可能做到好平，一二百蚊畀你。按成本收費不一定代表佢係黑店。相反不停聲稱自己收費好平，甚至唔需要買療程嘅所謂單次收費模式，反而先最多黑店手法問題，最需要小心處理。
比較正派嘅公司例如SWISS REJU， 就會開誠佈公咁樣列出價錢收費，同埋建議使用次數，令到大家開始畀錢之前，已經有充足嘅資料可以考慮，唔需要擔心需要額外開支。
美容纖體Best Practice 3：先了解想幾快見到效果
好多人去比較市面上不同美容纖體療程嘅時候，並無好好考慮清楚，究竟想幾快見到效果，亦都唔知道究竟應該做幾多次，先至會開始見到有分別。先行了解清楚科技大約可以做到乜嘢效果，同埋需要幾多次，幾耐做一次等等，其實就可以幫你避免不少煩惱。有部分美容科技係只係需要一年做一次，例如 Thermage。纖體科技方面，有部分療程聲稱一年只需要做兩三次eg Coolsculpting，但係每次做完之後都要等三個月先見到效果。 亦都有另外一啲科技係每次做完都立即見到有效果，但係就需要密密做， 要連續做6－10次。
有啲人以為價錢貴就代表一定效果最好但其實不一定。 現時好多新科技例如激光溶脂，或者微波隔空溶脂等等。由於成本比舊式冷凍溶脂為低，因此收費亦都比較平，但係效果可以話有過之而無不及。
好多質素比較低嘅美容黑店，就會標榜價錢平而且單次收費，但係最終係冇任何長遠效果！有部分美容黑店就會誇張到話一個星期就幫你減20磅。其實任何推算都需要合情合理同埋根據真實案例去參考。正規公司SWISS REJU，就會根據過往成功例子，推算大概需要嘅次數同埋時間，同埋提醒你做機減肥都要注意飲食唔好過量。唔會好似某啲黑店咁樣亂咁畀假希望，話畀你知瘋狂任食都可以越嚟越瘦。
美容纖體選擇困難症
雖然市面選擇好多，但係亦都多咗好多比較中肯同埋有建設性嘅教學，令到大家選擇美容纖體療程嘅時候，有夠為中肯同埋有用嘅參考。以往就可能淨係依靠三姑六婆，甚至家中長輩個個都以為自己係美容專家，個個加把口建議。
對於並非美容行業專家，又或者唔了解市面上最新嘅銷售手法（包括正當銷售手法同埋不良銷售手法嘅最新進化版本） ，家人朋友其實並無太多價值。
要去了解科學知識最好就係搵一啲正規機構，預約免費諮詢。