單次收費「美容兩餸飯」入侵香港，平價減肥機危機四伏
相比起內地同胞嘅「進取」，香港人就真係單純好多。未必好清楚內地美容院各種黑心經營手法同埋手段，以為價錢平就一定係著數！其實平係有好多原因，使用劣質材料、開卡亂扣錢、甚至使用不合規格減肥儀器裝備等等，全部都可以用嚟節省成本，但係就會令到消費者蒙受損失！溶脂機副作用問題亦都嚴重。如果真係要慳錢，今次就會為大家講解點樣先至能夠真正慳到錢，而唔係好似某部分單純嘅消費者咁樣，見到價錢低就等於一定有著數。好多時候所謂「低價錢」、「單次收費」，只不過係一種簡陋嘅掩眼法！另外大家唔好以為避開北上、唔去深圳消費，返深圳做機減肥做Onda微波溶脂，就代表一定安全。因為香港亦都有好多所謂嘅小店或者單次收費美容中心其實係由「新香港人」創立，即使你喺香港消費，都唔代表一定安全。即就算你喺香港都有機會中招，尤其係標榜「單次收費」嘅小店。就更加要提防打醒精神！
講到做機減肥、隔空溶脂、Onda微波溶脂，以往正常香港人都會搵一啲有規模有名氣嘅機構進行。雖然價錢就肯定唔會好平，但係起碼你知道係屬於有香港法律規管，各方面都唔會太離譜。相反由於經濟衰退，市面上多咗好多賣兩餸飯嘅廉價街市餸菜。亦都出現咗好多標榜無需購買療程、自稱小店嘅地方，呢類亦都係「美容街市兩餸飯」其實危機四伏。
喺現金經濟情況之下想慳錢同保留現金，無可厚非。不過慳錢其實係要有方法，先能夠慳得其所，並唔係見到價錢平就等於慳到錢。正如北上消費都一樣，有部分正規正當嘅高級餐飲場所，的確係價錢會比香港便宜，食物水準亦都唔係太差。但係如果北上仲係搵一啲當地嘅低價夜市、平價火鍋，往往就出現食咗「過期肉」同埋「有害食材」，甚至「化學元素」等等問題。所以慳錢都需要用腦，都需要觀察同比較，並唔係見到價錢最平就一定係最適合。
香港多咗咁多所謂「單次收費美容院」又或者自稱唔需要買療程嘅小店。但係其實中間究竟點樣去搵錢？普通市民應該點樣預防溶脂機副作用問題？本文就會集中為大家講解極低成本背後究竟係如何操作，市民有應該點樣防範。
單次收費劣質溶脂機副作用1：床蝨、各種衛生問題
正常正規正當嘅美容中心係會有成本。包括人力資源成本，與及各種衛生、環境、消毒等等成本。點解有部分美容中心可以做到極平，搞到好似街市兩餸飯咁cheap？一般市民同埋消費者，其實唔會知道「低價錢」、「單次收費」究竟點樣去壓縮成本！美容行業好多人都聽過，某間單次收費美容中心，每個員工每日只可以用兩張paper mask！ 由於要嚴格控制成本，有部分標榜單次收費嘅美容院就會要求員工唔可以隨便更換毛巾、paper mask、同埋其他耗材，要物盡其用！同一條毛巾要用14日先可以洗！做facial客人無論當日有幾多人都好，每日只可以消耗兩張paper mask。做機減肥方面，不提供即棄一次性紙底褲，多人使用同一條毛巾包圍敏感部位！單次收費做機，你話好恐唔恐怖？
正規正當美容院，有好多衛生清潔與及消毒方面成本，包括：
- 使用一次性床單床紙確保衛生
- 一次性內衣褲
- 清潔公司定期為環境消毒
- 正規非平價黑市洗衫公司
- 清潔地氈預防床蝨
雖然以上程序所費不菲，但係對於消費者未必咁容易睇到分別。因此有部分標榜「低價錢」、「無需要購買療程」、「單次收費」嘅美容中心，其實就會係呢啲比較不顯眼嘅地方做手腳。明明應該搵正規正當嘅洗衣公司，就會貪平搵一啲黑市南亞工場幫手。話到明平價洗衣工房，就梗係唔會清洗乾淨，亦都唔會使用消毒就，毛巾攞水沖下晾乾就算。
所以點解好多朋友仔去完大陸做美容纖體，又或者喺香港所謂嘅「低價小店」做完療程之後，成身都唔舒服，好似出現敏感情況！？甚至有部分去過呢類型地方嘅朋友，就會發現屋企好似多咗床蝨嘅問題。其實以上都係衛生程度不足，將成本問題轉價落消費者度，而出現嘅「美容街市兩餸飯」現象。
溶脂機副作用除咗有機會因為操作不當之外，更加有可能因為衛生程度不足，而衍生各種問題，包括床蝨。
大家都知道如果屋企出現床蝨問題，其實係非常之麻煩同複雜。即使搵清潔公司去幫你進行全屋清潔，除咗要花費一萬幾千之外，仲有機會係一次都未能夠根治問題，需要做多好多次。因此對於屋企出現床蝨問題嘅朋友就真係一個惡夢！其實作為消費者就真係盡可能避免一啲高危同高風險，有機會會將床蝨帶到返屋企嘅美容兩餸飯店舖。 隔空溶脂做機減肥、Onda微波溶脂、Emsculpt 增肌減脂等等，都唔適合去一啲太平嘅地方進行。
單次收費劣質溶脂機副作用2：假機
冒牌貨、山寨貨、A貨等等充斥內地批發市場。其實做機減肥同埋美容界，都一樣會有相同問題。對於唔認識內地美容業生態環境嘅本港單純消費者，好容易因為價錢就會覺得大陸美容服務價錢比較低，就代表好吸引。但其實價錢低係有原因，價錢低其中一個原因係因為並非使用正版機器。不少香港美容小店用假機，其實都係一個公開秘密！之前有海關拘捕行動但其實無論點樣拉都好，始終由於正版機器同埋假機成本落差太大（成本差距可以高達20倍），因此仍然有大量標榜低價或者單次收費嘅美容中心，會挺而走險，即使有機會畀人拉都會呃得一個得一個。
對一眾美容兩餸飯，甚至使用假冒機器嘅黑店，即使出現副作用問題同埋燒傷等風險，其實都只會係個客人受傷，唔會係個東主受傷。有部分所謂嘅小店其實就抱住一種WFC態度，購買假機。
單次收費劣質溶脂機副作用3：燒傷客人
話到明係街市低價「美容兩餸飯」，不少自稱「單次收費」美容院唔單喺客人方面壓縮成本，喺職員方面都一樣會壓縮成本！只會出畀市價低嘅人工去招請治療師同美容師，因此會出現治療師資歷不足，又或者閱讀理解能力極低問題。 質素差嘅員工就自然造成各種意外、安全事故問題！香港部分標榜單次收費嘅美容中心，其實都偏向低人工招聘，只會利用facebook group或者其他免費渠道招聘兼職炒散員工。資歷方面，自然有問題！同正規機構不同，好多單次收費嘅美容院為咗慳錢，並唔會有任何員工激勵獎金或者performance incentives制度，可以話係自生自滅、自求多福。只有一啲唔會希望賺取獎金，又或者明知自己服務水平欠佳、冇機會有獎金嘅員工，先至會樂意喺壓縮成本嘅地方工作。稍為好些少嘅治療師，可能已經會搵一啲正規機構，去賺取嘅市場薪酬！消費者要自己衡量願意接受較低水平嘅員工。
認識市場真相嘅消費者，唔會咁容易畀所謂嘅「低價錢」、「單次收費」吸引，知道背後隱藏危機同埋各種低質溶脂機副作用，就應該謹慎選擇正規機構做機減肥。