新手做機減肥千祈唔好搵一啲質素成疑問嘅「低收費低水平」美容院進行。做機減肥一定要選擇「正規」、「正當」嘅美容中心，唔好見到啲廣告標榜平又或者自稱單次試做，就即刻衝埋去。否則一定會招致損失。
「五無低端美容院」你聽過未？「五無」其實係指：
- 無誠信
- 無科學知識
- 無規模
- 無安全意識
- 無成功案例
接近山寨形式嘅高風險低消費美容中心！
「五無」，就係現時部分單次收費美容院，胡亂銷售做機減肥嘅真實寫照。
如果搵錯地方出問題，即使你去報警都冇用。因為減肥機從來都係結果因人而異。就算警察到場，佢哋都唔係美容專家，冇任何醫美知識可以準確分辨質素。因此只能當作糾紛，或者報警求助雜項處理，冇乜實質嘢幫到你。
有部分單次收費美容中心甚至只係空殼公司，連公司註冊都冇！出咗意外即刻著草走路！消費者根本冇辦法向不良經營嘅低水準美容中心作出索償。
過去幾年香港多咗好多所謂單次收費美容中心，水準相差距極大，有部分更加係混亂同埋意外頻生嘅重災區。消費者唔適宜喺未了解清楚情況下就光顧，以免發生各種意外。
做溶脂機單次收費問題。。。
雖然好多單次收費美容中心都有問題，但係唔代表全部都有問題，都有部分係正常！不過量極少，而且有越嚟越少嘅趨勢。劣幣驅逐良幣，即使係一啲正當經營，使用正版機器減肥機嘅單次收費美容中心，都會被市場上害群之馬、劣質美容中心所取代。畢竟能夠清楚辨別不同科技嘅客人其實人數不多，大部分客人其實都只係比較「價錢」。對於減肥機器效果，其實都唔太認識。
任何醫學美容類型療程都有風險。因此更加要謹慎選擇服務供應商，唔好貪平！標榜每次逐次畀錢嘅公司，通常都有隱藏風險同成本。尤其係溶脂機，有機會有副作用問題。一定要搵正規正當機構去為你分析， 因應個人情況，選擇最適合使用機器。
單次收費溶脂機副作用1：激發癌症與及免疫系統疾病
美容院減肥機、做機減肥技術於外國其實係屬於專門服務，需要通過定規醫療機構或者醫學美容診所醫生進行。雖然本地同外國法例不同，香港不需要醫生，但並不代表香港從業員不需要遵守安全規則。外國絕大部分美容機器生產商，都不建議癌症病人又或者短期內康復病人，進行做機減肥。因為如果現時有癌細胞問題癌症病人 ，活化細胞的能量，有機會會令到癌細胞出現擴散問題！
進行做機減肥療程之前，經驗治療師一定會率先查問，有冇之前病歷，又或者是否癌症病人或者癌症康復者。冇查清楚資料就亂做能量機減肥，有機會激發癌症與及免疫系統病！
由於知識水平不足，香港大部分標榜「單次」、「低價」美容纖體中心，並不會理會客人健康情況，只會著眼於不停銷售！即使有部分癌症客人其實體質並不適合於現時進行療程，但美容院為咗即時利潤，都會繼續勸導佢哋購買。最終可能會為客人帶來長遠健康問題與及隱憂！
Onda Coolwaves、甚至比較舊式嘅熱能減肥機Venus Legacy，都絕對不建議癌症病人或者康復者使用。
消費者一定要留心做機減肥要避開風險，就一定要搵正規機構進行。只有正規受過訓練與及對於風險管理有認識嘅機構，先至可以話到畀你知如何避開高危風險位置。亦都只有具備知識嘅機構，先至知道邊一類型客人體質係較為適合做機減肥，邊一類型其實係絕不適合。
溶脂機副作用2：高溫灼傷、組織內傷出血
隨著香港做機減肥潮流興起，不少欠缺知識經驗，甚至連規模都冇乜嘅小型工作室，都開始加入做機減肥療程。為咗售賣療程有部分公司甚至忽視灼傷風險，胡亂建議組合，甚至自行增加療程時間，以為咁樣就等於吸引客人賣大包！其實係極高風險活動，甚至有機會造成客人損傷。事實上外國大型機器生產商生產嘅減肥儀器、Emsculpt增肌減脂機器、Onda微波溶脂機等等，全部都有限定使用時間， 廠商都會作出安全措施，先行判斷身體不同部位最佳使用時間與及能量參數，以免出現部分位置過熱灼傷，甚至組織內部受傷出血情況。
Venus Legacy、Onda Coolwaves、Exilis Ultra 360等等其實全部都有最高使用時間限制。
但偏偏香港有部分單次收費、小型美容中心、一人工作室等等，完全反其道而行。醫療機器生產商限制使用時間，原意係為咗保障客人安全。但係部分美容中心為咗自己利益【跑數開單】，就會勸導客人做多啲，做長啲時間！
甚至有部分美容院為咗招攬生意，自行宣傳話做一個位就送多一倍時間！明明做20分鐘一個位置，佢就做夠60分鐘，甚至90分鐘（個半鐘）！以為胡亂加長時間就等於最平最抵，吸引到客人。但其實會造成客人灼傷與及組織內傷出血問題！
之前亦都有單次收費美容院由於治療師學歷太低並無遵從安全措施，記錯咗步驟，令到原本唔需要使用
不是每一個香港客人都咁精明，好多人見到有人自稱「單次收費」，標榜價錢唔貴，又自稱唔使買療程，甚至聽到買一送一好抵，就即刻飛奔去做！其實基本上係攞自己健康作為代價，慳咗300蚊賠上健康，係絕對唔值得。
單次收費溶脂機副作用3：嚴重瘀黑、極度痛楚
有知識有要求嘅正規醫學美容診所，著重於案例成功，與及外國大型機器生產商臨床報告。再加上實際操作觀察，從而得出較為適合香港本地市場嘅能量參數，與及最佳機器選擇。但係部分標榜低價錢嘅單次收費美容院，係唔會花費時間金錢去學習！因為老闆到管理層都極為短視，覺得學習係浪費錢，可有可無！
因此好多低端美容中心嘅治療師都冇受過正確教育，連機器生產商嘅trainer教育都冇，只能夠講一啲似是而非嘅「偽道理」。什麼「痛先有效」，「痛則通」等等，常見於低端美容中心！
由於單次收費美容院治療師自己本身都無學識無知識，管理層對於正確培訓意識亦都不足，好多時都有得前線職員隨意去使用不同機器探頭。明明有部分客人體質係屬於容易受傷，唔適合使用高壓吸力，但係由於治療師欠缺知識水平，經常用錯探頭／用錯機器！ 產後身材走樣好多時候同腹直肌分離有關，亂去做Coolshaping冷凍溶脂機，對於改善腹直肌，其實絕對冇用。
治療師亂做管理層都冇發現情況常見於低端美容中心。不少客人都投訴，每次去做都心驚膽跳，因為治療師一直都話痛先有用，每次都好似酷刑咁樣。
單次收費溶脂機副作用4：脂肪反向生長（PAH）， 需要外科手術解決問題
之前都已經有外國案例說明，冷凍溶脂機技術，有機會帶來脂肪不規則反向生產（PAH）問題！雖然無論係醫生進行定係非醫生進行冷凍技術，都一樣有機會帶來PAH問題，但係正規醫療機構，起碼會有專人詳細講解同分析，進行療程之前清楚講有可能出現嘅副作用問題。消費者自行判斷自己風險，選擇係咪繼續進行。
想用低成本做機減肥？其實有方法
好多減肥美容院宣傳嘅低價單次等等其實只係降低療程水準同埋安全要求，其實不利於消費者。始終安全考慮係最重要，價錢幾平都好如果危險其實都係唔適合！選購做機減肥療程時候唔係淨係追求低價錢而係應該檢視以下條件，該美容中心可以做得到以下大部分條件，先至叫做抵買抵用！
- 使用正版機，而並非山寨A貨淘寶機
- 可以靈活消費，不一定購買大量療程
- 經營手法正常，消委會沒有成功投訴紀錄
- 美容院擁有科研背景，熟悉各種不同科技
- 員工具備操作知識
做機減肥其實有好多成功例子！好多人亦都越嚟越健康，正規公司有科研優勢，幫你選擇最正確機器，快速纖體，唔使自己出去亂試，你慳住錢輕輕鬆鬆煥然一新！