講到深圳做美容，不少港女消費者就會直接同香港的美容院比較。 但其實返深圳做美容，可以選擇的種類其實比香港多。簡單來說深圳的美容院可以分為以下4種。當中的收費與及流程亦都各有不同，所以返大灣區做美容的時候，要清楚自己的需求，選擇正確類型的美容服務，否則好容易會出現「期望落差」，「皮膚敏感」，甚至「hard sell 超出價錢預算」的情況！
深圳美容院種類1：平價洗臉
相信大家去到深圳的大型商場時候，都可能見過一些開放式的店舖，見到一排美容師，幫一班香港遊客洗面！這類型的店舖主打清潔，屬於「平價洗面」的一種。平價洗臉在深圳其實相當流行，形式與及流程，就似香港比較低端的單次收費美容院一樣。都係採用「開放式」、「瞓大廳」的經營模式，由於當中並無任何個人房間，甚至有部分不設屏風，不單止其他客人可以睇到你做facial的過程，就算係舖頭外面的遊客等等，都可以睇到整過過程，甚至有部分店舖為了招來客人，亦不會調低店內的燈光。非常搶眼的燈光不單止做facial的時候容易不舒服，更加會引來其他人的圍觀。
平價洗臉使用的儀器：一般採用國產的「小氣泡」 清潔儀器，主要服務係Aqua Peel、深層清潔、清黑頭、保濕等等。 這類型低價美容店所使用的產品都係國產， 不單只使用的精華不會係外國的名牌貨，甚至連中國內地普通的中上水準都未到。始終由於成本限制，好多時候小氣泡都會大量用清水稀釋，減低精華的耗損量，降低成本。
平價洗臉主要客戶對象：「學生」、「小資OL」，主要都係一些消費力不高，不介意私隱的群組。
平價洗臉深圳Facial價錢：$150 - $200人民幣左右。大部分深圳的平價洗臉店，其實都會提供兩種價錢。「標準價」與及「會員價」。要成為會員就要先行充值，即係預繳式消費！ 形式同香港美容院一樣，其實都會sell你，不過由於單價比較低，所以就算要預繳的費用其實都不會太高。有部分網站話這類型的平價洗面不會sell，其實都好懷疑究竟這些文章作者自己其實有冇去過！XD
平價洗臉深圳facial注意事項：採取walk in形式，好多客人會係跨境的港人。 尤其係位於市區商場的平價洗面舖，香港跨境即日來回客人比例可以高達七成，而且好多係屬於沒有預約的walk in，就算購買了療程，都有可能會出現人手不足的情況。另外由於這類型美容院所使用的產品很少會係國際大牌子的貨，大部分都係批發國貨，所以亦都要小心會出現皮膚敏感、紅腫、甚至敏感大爆發的情況。
深圳美容院種類2： 按摩中心美容部
相信港人北上的指定活動就係揼骨！因為深圳按摩價錢真係畀香港平，而且地方亦都比較寬敞，整體經驗不錯。由於北上去揼骨的女性人數眾多， 有部分按摩中心就會提供美容服務。所以亦都有部分港女會揼骨的時候， 順便加購一些美容服務，例如人手facial、面部通淋巴等等。深圳facial因此亦都開始受到注意。按摩中心美容部使用的儀器：人手按壓為主，不會引入貴價儀器。雖然名字可能比較花巧，什麼法國式面部推淋巴、玫瑰精油Facial等等， 但其實很多美容中心使用的儀器都較為簡單，甚至有部分收費較低的中下級數美容院，會出現儀器過份簡陋的情況（只有蒸面機），老實講未必符合香港現有的基本標準。
通常只有最基本的水蒸氣蒸面、人手去黑頭、修眉、再用一個簡單的導入機等等。這類型的按摩中心美容部，由於主要收入來源其實都係來自按摩服務，美容只係屬於附加形式，所以一般都不會購買 任何昂貴的美容儀器。 不會有正式的院線HIFU、RF、分段式超聲波。更加不會入手六位數的貴價美容儀。
深圳按摩中心美容部Facial對象：過境揼骨香港人
深圳按摩中心美容部Facial價錢：$300 - $500，一般會去作用加購的方式推銷。
深圳按摩中心美容部Facial注意事項： 由於美容並非按摩或者Spa的主打項目，除了使用的儀器會比較正規美容院選擇較少之外，所使用的產品亦都可能會屬於較為平靚正、大件夾抵食的批發產品， 通常都不會用美容院線專業產品。如果自己皮膚不會容易敏感的人，又或者平時都求求其用番梘洗面的人，可能就會覺得冇乜大問題。 但平時如果用的護膚品比較精緻、皮膚又比較敏感的話， 就不排除會出現敏感大爆發的情況。而且這類型附加形式的美容服務， 使用的毛巾等產品， 極大可能會同其他腳底按摩毛巾、推油毛巾等等一併混合清洗，對於有潔癖的香港人就可能不太習慣了。
深圳美容院種類3： 商場美甲店、美容店
香港人到內地消費，好多時候都集中於幾個重點商場，Coco Park、皇庭廣場、萬象城、萬象前海、卓悅中心等等。這些重點商場裏面都會有一些固定的美甲店、美容店等等。外表和裝修都見得人，接近香港同類型商場店舖的設計等。有部分亦都屬於高質素。不過，作為香港人就要小心。因為雖然有部分屬於高質素，但係都有部分係屬於低質素。甚至係香港「美容黑店集團經營」，醒目香港人一定要小心！
就好似福田區作為例子，裏面有幾間美容美甲店，竟然係由香港一個被消委會點名批評的黑店集團，改頭換面，重新大陸出發！香港不良銷售都未夠，竟然喺大陸再呃多你一次錢！
所以香港人唔好再咁天真，以為深圳做facial一定係比較香港好。就算深圳都會有黑店， 甚至會有由香港人策劃經營的黑店！
商場美甲美容Facial對象：經驗不足的一般香港跨境消費者／比較少同美容黑店交手的初級消費者
商場美甲美容Facial價錢：表面$500 - 600，實質會推銷你「充值」， 即係買package，真正的收費價錢$5,000 - $80,000不等，hard sell手法極進擊，而且不透明， 會睇準香港人只能夠週末過境的弱點，專登比一啲難以預約的時間。通常入咗房之後就會有幾個廣東話口音不正的中年女性衝入嚟，一輪嘴不停講！係都要迫你簽到一萬幾千為止。
就算你屈服，畀咗錢之後其實都好難再預約，因為佢會專門提供一些極不理想的時段，例如返工日子的上晝。適合跨境消費港人可以選擇的時段極少。 你記住，香港消委會，是不能夠處理深圳內地的消費糾紛！去唔去就自己睇路。這類型就算係深圳Facial害群之馬。
深圳美容院種類4：貴價美容院 ／ 入侵性醫學美容
原來深圳有美容院價錢仲貴過香港？有，而且數目不少！
深圳facial未必一定平， 有部分其實仲貴過香港。
好多香港人未必知道原來深圳係有環境服務同埋價錢價錢，都屬於六星級的美容院。始終好多香港人北上都係希望搵到「平靚正」選項，對於深圳價錢最貴而服務最好的商戶， 可能未必有咁深入認識！甚至會以為， 深圳只有平嘢， 冇昂貴靚嘢。但其實深圳係有好多靚嘢，不過 不是每一個香港人都熟悉咁解！
福田是深圳的核心CBD商業區，有世界級的酒店品牌，例如Four Seasons、Ritz Carlton等等。 亦都有部分屬於醫生入侵性醫學美容。不過無論在價錢與及定位方面， 其實都係比較適合深圳本地的高消費群組。即日來回、追求低價的跨境旅客， 可能就不適合了。
新手北上深圳美容常見錯誤1：低估跨境消費香港人數量，高估了深圳美容院人手
如果講起新手去深圳做美容項目，其中一個最常見的錯誤，就係混淆「旅遊放鬆」同「醫學美容投資」因為兩者是完全不同！
「去深圳食火鍋，順便打埋針美容！」
「去山姆超市，順便做埋Facial ！」
好在這種觀念的朋友如果想不想做facial，最可能發生的結果，就係美容失敗！小編自己都遇上不少混淆「旅遊放鬆」，同「投資自己」兩個概念。
如果做醫學美容，追求的就係效果，安全，希望獲取回報，令到自己升值。但如果你只係諗住「旅遊」，好大機會會買錯療程。買錯產品，去錯地方，結果造成損失。
小編有朋友，對於中國內地城市發展情有獨鍾，一家人都屬於中產階級以上，家庭收入起碼10幾萬，一年都會去好多次深圳、福田、前海一帶，貪好食好住之餘，消費亦都比香港更低。一家三口無論係按摩、美食、兒童活動等等，每次滿載而歸！
基於經常性都會往返內地，朋友就對於喺深圳購買美容療程，放低戒心。自從見到某港人上去的商場有推銷優惠之後，就一口氣買咗幾萬蚊療程，覺得會有排用！佢形容，該美容中心地點方便，亦都好近深圳地鐵站，隨時去做都可以！
半年之後，我問朋友美容進度如何，是否啱心水？佢話：「原來美容推銷比香港更加誇張，原本諗住經常返大陸都可以隨時嚟做吓，點知呢幾年超多香港人嚟深圳消費，美容院梗係留返啲空檔俾現金客人，俾錢買咗大額療程之後，經常性都約唔到，比起香港更加難預算時間！呢幾萬蚊都當係冇咗㗎啦，求其返去做一兩次就算。」
可能你會問，為何這位朋友不去考慮清楚先至喺深圳購買療程？答案好簡單，因為低估了港人北上熱潮對於美容從業者帶來的經營壓力。
一時間太大量的客人湧入，導致了無法消化，甚至客人無法預約的經營問題。
做小生意就梗係希望見到客都接，有錢返嚟乜都做，對於每個星期北上的大量現金流，好多小型美容院都唔想流失，至於一早已經預購大量療程的香港人，就冇辦法兼顧。只能夠比一些不理想的時間，例如平日工作天上午等等，基本上正常香港人好難用到！
新手北上深圳美容常見錯誤2：混淆「旅遊消閒」和「醫學美容投資」
好多新手香港人，混淆咗「旅遊放鬆」，以及「醫學美容投資」。
因為醫學美容收費比較高但效果明顯，其實係屬於「投資項目」。Botox美容針代理、Winback纖體機、Thermage單極射頻機、Ultraformer MPT黃金樁等等，其實都係屬於昂貴的投資項目，最低基本投資係幾十萬。無論世界各地邊個城市都好，都只會在價錢比較貴的正規高端美容診所提供。
如果香港都不是每一間小型美容院都能夠負擔，在物價較低的深圳和內地，能夠負擔的比例其實更少。所以一定要搞清楚，你自己經常返大陸，究竟係想希望旅遊，定係想投資自己？
因為不是每一間深圳的小型美容院，都具備充足正規的醫學美容儀器。如果只係想放鬆玩吓的話，其實普通的按摩、又或骨場的美容部facial，其實都足夠。
相反，如果你要確保做療程有效果，而且效果可以持久維持的話，選擇具備醫療條件、機器投資、與及後續服務的正規醫學美容中心，就係必須！而最好選擇發展較為成熟的市場。在這方面，香港做其實比內地做更有優勢。
另外要提提大家，由於香港是屬於免稅，進口醫學美容儀器，例如InMode、Thermage、Plamode射頻機、Winback減肥機、甚至Radiesse美容針劑等等，是不需要比稅的！
相反內地由於稅制不同，外國入口的所有醫學美容儀器和材料，均需要交稅，自然成本再進一步提升！所以如果深圳只係貴過香港少少，你已經執到，大部分情況下做外國醫學美容儀器療程，任何大型資本投資儀器的美容項目，深圳是一定會比香港貴！
這個道理，經常往返中港兩地的專家投資者，一定會知道。
香港人北上深圳美容常見錯誤3：沒有搞清楚旺季淡季
由於香港人口非常稠密，因此商場以及各種消閑場所，長期都屬於「旺季」。相反，深圳的美容行業，其實「旺季」、「淡季」之間的分別比較大。聘用的人手數量，亦會有所不同。香港人就要留意！所謂旅遊旺季，就係指深圳會吸引本地人、全國其他省份的旅客、與及大批北上的港人，如果你撞正這個時候去的話，基本上好難預約，難以約的程度甚至比起香港的美容院，有過之而無不及！如果為了遷就美容院的時間，你就要請假，又要趕來趕去，其實就等於犧牲了自己的假日時段，未必化算。
香港人北上深圳美容常見錯誤4：亂信中港美容中介經紀
跨境美容常見的地雷，就係中港美容中介！
最近網上都多咗好多，為深圳美容院招來香港顧客的網上中介。甚至有部分會走去港鐵站、碼頭等等人多地方派單張，邀請你上深圳美容、整容等等。 但好多人員其實都不是真正的美容院員工，深圳人亦都不可以在香港工作，無法擔任招來或銷售的角色。 好多香港的promoter，其實屬於中港美容中介代理，即係跑傭金的sales！
這類型跑傭金的sales可信程度甚低，甚至只會因應不同美容院的傭金高低而推介不同的療程。對於深圳真正美容行業的狀況，所知甚少。 亦都沒有興趣去了解，基本上可以不理。
小編北上美容經歷：投資不能夠只憑喜好！必須理性
小編認識不少在中港兩地都擁有美容生意的老闆，要去搵人推薦深圳美容院做高質美容纖體，其實相當容易。但係點解我自己就唔會去深圳做facial ？好簡單，因為我會將「醫學美容」當為投資的一種。深圳揼骨、按摩、美甲等等，由於都係屬於偏低技術的行業，出錯的機會其實不大。不過，醫學美容就不同，醫學美容其實需要選擇正確的產品、儀器，進行的手法、後續跟進、安全講解等等，各方面都會有高要求，絕對不適合用走馬看花的方法。趕住做、趕住走、做完又要趕返香港，其實係又危險，又冇效果。
小編自己比較不會prefer去深圳做醫學美容，原因在於價錢比較貴， 深圳做正版醫學美容的價錢，其實比香港更高。性價比其實比較香港低！
深圳有冇一些有質素的美容院？有，不過價錢比香港更高。
不要以為深圳的美容院質素一定會比香港低，其實深圳也有一些高質素的豪華6星級美容院，就以高級服務見稱。
福田一帶的超級高端美容院為例，一個療程講緊3－$5000人民幣，老實講不是每一個香港人都能夠負擔。當地具備國際醫學美容儀器經驗的人員，有時你想俾錢都冇。
就以FDA認證的六星級美容儀器Winback作為例子，機器本身的成本是數十萬元，中國內地是需要加大約20%的稅款，所以成本已經比香港更為昂貴。所以在內地很少美容中心引入Winback，只有價錢最貴、做最高市場的黃金圈美容院才會入手。即使你願意花錢，由於機器數量僧多粥少，都會好難預約。就算你買咗療程，都好大機會需要輪候好耐。所以值博率其實不高。
大灣區美容避免高風險項目：採耳、整容、打針
香港人到大陸玩美容，邊啲項目比較安全可以比較放心去試做，邊啲項目比較高危，需要避免？其實作為中港美容專家，以下三個項目並不適合普通過境旅客進行。如果做錯的話好可能會手尾長！不適合香港過境旅客進行的美容療程1：採耳
內地的採耳同香港採耳，係有分別。香港採耳主要係「功能性」，即係盡快清除耳朵裏面的污垢，做一個深層清潔和少量按摩。但內地的「採耳」其實會包含「藥水」、「毛毛頭」 這些並非必要的部分，對於內地顧客來說是一種過程的享受，多於純粹功能性的清潔。由於過程會比香港長好多，最少都會30分鐘以上，如果使用的物品有感染的話，其實有機會造成敏感、發炎、沒有即時睇醫生有機會會造成「永久性失聰」！尤其係現時內地好多「採耳」服務，都冇特別的證書去確認技巧，很多時只係普通腳底按摩師學一兩門功夫就進行。對於衛生情況有嚴格要求的香港顧客，未必適合。不適合香港過境旅客進行的美容療程2： 整容、打針
香港很多網站都有推介深圳醫學美容中心的「整容」項目，包括割雙眼皮、抽脂、少女針、肉毒桿菌注射等等。不過大灣區也有很多沒有正式人員的美容院， 提供未經許可的服務。可以參考有關過境香港旅客大灣區進行入侵蝕醫學美容事故的新聞報道：
港人珠海注射肉毒桿菌毒素疑中毒危殆 涉事美容院職員聲稱有逾十年經驗
57歲港婦珠海美容院注射肉毒桿菌後疑肉毒中毒 呼吸困難情況危殆
任何適合入侵性的醫學美容例如針劑療程、整容手術等等，由於需要「恢復期」， 避免出現感染的問題。跨境旅遊由於需要過關、排隊、於人多擠迫的地方等候等等，感染的風險極高，所以任何入侵性的醫學美容療程，不適合任何跨境旅客。
極危險的陰道注射透明質酸
香港過境旅客到深圳美容，都會見到價目表上面有好多香港沒有的療程，可能會感到好新鮮！的確內地有好多美容項目屬於較為「偏門」，但有冇諗過在香港不能進行的原因，其實可能因為未能夠通過香港的嚴格醫療條例？就以深圳常見的「陰道透明質酸注射」做例子，很多美容院都有推銷這個高風險項目，透過於陰道注射透明質酸，可以做到緊緻下體的效果。不過這個項目在香港屬於違法！因為在管轄比較嚴格的香港，透明質酸只能夠用作身體特定的部位，並不是所有身體位置都適合做。
中年婦深圳注射透明質酸入陰道 返港後入院揭肺栓塞腦出血命危
小心邪骨女技師私下微信你男友
香港正規的美容機構，都會有「客戶服務部熱線」與及「分店經理」 去處理預約與及客戶查詢。正規正當公司很少會準許治療師直接聯絡客戶。 但係深圳部分美容師就會傾向繞過正規渠道，直接向做美容的客戶要求聯絡方式，加「微信」，簡稱「偷客」。由於管理比較鬆散，中港職場文化亦都不同，內地美容師「偷客」情況相當普遍，甚至有港女投訴，同男朋友兩人情侶去深圳消遣，美容揼骨之後，打扮美艷的疑似「邪骨」女技師，偷偷將自己的聯絡資訊給予男朋友，甚至被發現微信私下邀請該港女的男朋友，之後單獨到深圳見面！除非你男朋友極有定力，否則自己真係要睇實！
大灣區最高性價比玩法
中港進一步融合，大灣區已經成為大勢所趨。性價比雖然重要，但係安全更重要！如果價錢平但係風險高，仲要搞到皮膚敏感大爆發，甚至出現無牌行醫情況，就會得不償失！真正有質素，而且使用正版儀器科技，聘用合規格人員的公司，內地價錢其實會比香港更高，不符合經濟原則。所以在能夠解決「關稅」與及「法律」問題前，對於返深圳做醫學美容療程，建議抱着保守的態度。
所以大灣區最具備性價比的玩法，係運用香港免稅的優勢，「Weekday香港做高端療程」+「Weekend深圳Spa」，這樣就能夠結合香港使用正版儀器兼且醫學美容儀器免稅的優勢， 再配合大灣區的低廉人力成本，兩者結合之下，就能夠做到最高的服務和性價比。
醫學美容專家指出，大灣區美容最強的組合，係能夠運用香港的「免稅優勢」，「廉潔專業管理」，「大灣區人力」。所以具備中港優勢的美容院例如SWISS REJU，就能夠幫助客戶完美發揮，價錢最平而且服務最好。
美容最強組合：香港免稅區優勢 + 香港正版知識產權同正版美容儀器 + 大灣區低價人力
香港在大灣區裏面的真正優勢，其實係來自香港的免稅優勢 + 香港的知識產權同正版美容儀器 + 再加上灣區的低廉人力資源一些具備前瞻性的高端醫學美容公司例如中環SWISS REJU，就已經提出「Bay Area」概念，一個價錢就可以享受香港中環高級的醫學美容服務，使用正版儀器，在安全熟悉而且整潔的香港環境下進行醫學美容療程。再去配合「大灣區週末度假」spa vacation，便能夠做到最低成本，最佳美容效果方案，啱晒又想平，又想靚的香港人！